مواطن يستغيث :”يا عباد ربي كرطابلة في تونس ب400 دينار.. مسكين الزوالي”
نشر مواطن تونسي يوم الجمعة 30 أوت 2024 مقطع فيديو يتشكى من خلاله من الارتفاع الكبير في أسعار مستلزمات العودة المدرسية مع اقتراب بداية السنة.
ووثق ذات المواطن في الفيديو الارتفاع المشطّ في أسعار الحقائب المدرسية معبرا عن صدمته وذهوله.
وقال :”تفرجو معانا في الأسوام في تونس شوفو الكرطابلة هذه قداه سومها شوفو الأسوام تفرجو يا ناس .. الي عندو زوز صغار والا ثلاثة شيعمل ياخذ قرض باش يقريهم شنوة الحالة هذه؟”.
مضيفا :”يا لطيف منين جايبينهم الكراطب هذوما والا كيفاش صانعينهم.. علاش الأسوام هكا؟ الزوالي شيعمل يقري صغارو والا يخليهم جاهلين”.
وفي هذا الخصوص أكّد رئيس المنظمة التونسية لإرشاد المستهلك لطفي الرياحي في تصريح لإذاعة “جوهرة اف ام” أنّ أسعار مستلزمات العودة المدرسية سجّلت زيادة تصل إلى حدود 12% مقارنة بالسنة الماضية على غرار الزي الرياضي المحفظة الميدعة والأدوات المدرسية، في المقابل حافظ الكتاب المدرسي والكراس المدعم على نفس السعر”.
وأوضح الرياحي في تصريح لـ”جوهرة أف أم” أنّ “كلفة العودة المدرسية تعتبر باهظة جدا لكن يمكن التقليص من حدّتها وذلك بتوحيد القوائم التي يقدمها المربون للأولياء وبالتالي يمكن التخفيض من حدة تكاليف العودة بنسبة تصل إلى حدود 30بالمائة .
