نجلاء التونسية تطلب من الأمنيين الرقص على أغانيها في عرض “الزردة”
اختتمت فعاليات الدورة 22 لمهرجان تنيور الشيحية بصفاقس بعرض “الزردة” للفنانة الاستعراضية نجلاء التونسية ليلة 23 أوت 2024.
عرض “الزردة” هو عرض فرجوي شعبي بدوي قامت نجلاء في وقت سابق بتقديمه في المسرح البلدي وبمهرجان بنزرت الدولي.
وقدمت نجلاء خلال السهرة 90 بالمائة من أغانيها المعروفة والمحببة للجمهور مثل “الليلة فرحانة” و”الحوت الحوت” “ما أحلى زيني ” كما اختارت أن تؤدي عددا من الأغاني الشعبية التونسية على غرار “يا أم العوينة الزرڨة” و “من جرى عليا ڨتلني” و “زينك يسحر شي عجب” لعبد اللطيف الغزي و “طبيعة أمه” لفاطمة بوساحة و غيرها.
وقد تداولت صفحات مواقع التواصل الاجتماعي مقطع فيديو من العرض، ظهرت من خلاله نجلاء التونسية وهي تخاطب أعوان الأمن وتدعوهم للرقص على أغانيها وذلك بعد أن تدخلوا لمنع احد الجماهير من الرقص، وقالت نجلاء :”تحية للأمن التونسي الي ديما حامينا ما شاء الله عليهم.. أنا نحبهم وهوما يحبوني وكان ما يحبونيش ما يجيونيش خليوني معاهم.. وتحبّو تشطحو معانا مرحبا”.
وعلقت على الحادثة لاحقا في حوار إعلامي :”البوليسية شيخة اليوم.. هبطت نشطح وتلمّو الناس جاو باش يفرقوهم قلتلهم خليهم يشطحو وكان تحب انت زادة تشطح مرحبا.. حسيتو يحب يشطح خاطر مواطن كيفنا وما يجيش يسمع النوبة والطبلة والزكرة وما يشطحش.. نوجهلهم تحية الأمن التونسي الكل ونتمنى نعمللهم زردة”.
